शेवई खीर | HOW TO MAKE SHEVAI KHEER

शेवई खीर

साहित्य:

• १/२ कप बारीक शेवई

• १/२ लिटर दूध

• १/४ कप साखर

• ४-५ काजु

• ४ बदाम

• १/४ चमचा वेलदोडा पावडर

• ४-५ केशर काड्या

• ३ चमचे दुधात भिजवून

• ४ चमचे चांगले तूप 

कृती:

• एका जाड बुडाच्या भांड्यात दूध आटवायला ठेवून द्या. 

• एका मोठ्या कढईमध्ये एक चमचा तूप टाकून काजू लालसर तळून घ्या. 

• काजू काढून त्याच कढईमधे एक चमचा तूप टाकून शेवया गुलाबीसर भाजून घ्या. (अगदी बारीक आचेवर कढई ठेवा नाहीतर शेवया लगेच करपून जातात.)

• दूध थोडे आटले की भाजलेल्या शेवयांमध्ये दूध टाकून ढवळून घ्या. त्यात साखर, वेलदोडा पूड, बदाम टाकून ५-७ मिनिटे शेवया शिजेपर्यंत उकळू द्या.

• शेवटी गॅस बंद करून खीर काढून घ्या वरून तळलेले काजू आणि केशर आणि एक चमचा पातळ तूप टाका.

• खीर गार झाली कि दाट होते त्यामुळे वाढताना थोडे दूध टाकून सैल करा.